İSKƏNDƏRNAMƏ - İqbalnamə
Bu beyt də əsərin Məhəmməd tərəfindən arxayınlıqla mühafizə edilib bakirə bir gəlin kimi sahibinə çatdırılmasını bildirir.
[261] Canımı yollayıb bir peşkəş kimi. Qoşmuşam mən ona ciyərparəmia. Burada yenə canımı - "İqbalnamə"mi, ciyərparəmi isə oğlumu deməkdir.
[262] Dedim: "Gövhər üçün edərlərmi cəng? Nəğmə gözəl olar, olsa həmahəng". Əsərimi tələb edənlərə dedim ki, dürr satıb almaq müharibə etmək deyil; burada zor işə keçməz. Nəğmə o zaman bəyənilər ki, o, musiqi ilə həmahəng ola; belə qiymətli əsəri yalnız sənəti başa düşən şəxs qiymətləndirə bilər.
[263] Saz olsa qarğanın əgər bədəni, O, Bəsti ənciri bilər hər dəni. Bəsti - Xorasan vilayətində bir şəhərdir ki, gözəl ənciri ilə məşhurdur, qarğa da çox əncir yeyən olur. Beytin mənası: qarğanın canı sağlam olsa, hər əlinə düşən dən ona Bəsti ənciri kimi dadlı gələr. Səhhətin möhkəmliyi insanı bir çox qayğıdan azad edər.
[264] Şahın adı kimi o, Məsud olsun. Şah da bu dastanla qoy Mahmud olsun. Burada Nizami "İqbalnamə"ni Firdovsinin "Şahnamə"si ilə, İzzəddin Məsudu da Sultan Mahmud Qəznəvi ilə müqayisə edir.
|