QARACIQ ÇOBAN
Səmrədi uru durdu. Qoyunları hər yerdən Ağıllara topladı, Qapılaırı bərkidib Dalısın torpaqladı. Çağırdı cüt qardaşın, Yığdı çöllərin daşın.
Üç yerdə daş topladı Bərkitdi dörd bir yanın, Açdı əlinə aldı Ala qollu sapanın.
* * * Toz qalxdı, günəş batdı, Atlılar gəldi çatdı:
– Sürüyə qurd girəndə Əli çomaqlı çoban! Qaranquluq düşəndə Odlu, çaxmaqlı çoban! Pendiri, qatığı bol, Südlü, qaymaqlı çoban! Dartışıb qarpışanda Dəmir qıynaqlı çoban! Mərə, Qaracıq Çoban, Bizə qulaq asgilan! Qazanın ev-eşiyin Dağıtdıq, yağmaladıq, Tövlə-tövlə atların Biz mindik, biz taladıq.
Xanın axdı ulduzu, Tutduq oğlu Uruzu. Çapdıq evin, köməsin, Bol pulun, xəzinəsin, Qatar-qatar dəvəsin, Qarıcıq olan anasın. Bütün dövlətin-malın, Qız-gəlinin, halalın Yesir qıldıq, apardıq, Qiyamətin qopardıq. Mərə, çoban, hardasan? Yaxında, uzaqdasan?
Sözümüzə qulaq as, Bizə baş əy, bağır bas! Bizdən gizlənmə, qorxma, İrəli gəl, huyuxma! Sənə Şöklü Məlikdən Bəylik allıq, bilgilən.
Qara Çoban bağırır, Sərkərdəni çağırır: – Alaqarı söyləmə gəl, Yolsuz yağı, azğın yağı! İtim ilən bir yalaqdan Yöndəm içən quzğun yağı!
Altındakı şahbaz atın Nə öyürsən, mərə, yağı? Ala başlı, kola buynuz Keçimcə də gəlməz mənə!
Başındakı dəbilqəni Nə öyürsən mənə, yağı? Başımdakı bu qıllıca Börkümcə də gəlməz mənə!
Altmış tutam kəndirini Öymə mənə, murdar yağı! Bu qızılcıq yeddi qarış Ağacımca gəlməz mənə!
Qılıncını, qalxanını Öymə mənə, mərə, yağı! Savaş günü əyri başlı Çovqanımca gəlməz mənə!
Belindəki doxsan oxun, Nə öyürsən, dinsiz yağı? Qırış günü ala qollu Sapanımca gəlməz mənə!
Yaxınından-uzağından Bəri gəl, hey yetim yağı! İgidlərin zərbi-şəstin Görüb get, hey itim yağı!
* * * Yağılar at təpdilər, Hər yandan ox səpdilər, Ərənlərin qoçağı, El-obanın dayağı, Mənim Qara Çobanım, Yenilməz qəhrəmanım Əl eylədi süpəngə, Yer-göyü gətdi təngə. Yağının aşı bişdi, Kürkünə birə düşdü. İgid Çoban təkinə Nər kimi gərdi sinə. Qızqın sapan tavladı, Daşı-daşa dayadı. Atıldıqca hər daşı Sındı üç düşmən başı. Qırdı yağının gözün, Yerə sərdi üç yüzün. Lakin tükəndi daşı, Oxlandı cüt qardaşı. Aslanım acıqlandı, İçi od tutdu, yandı. Dünya gözünə gəlməz. Keçi bilməz, qoç bilməz, Qoyur sapana atır, Düşmən yan-yana yatır. Qaraldı yerin üzü, Qorxdu düşmənin gözü: – Yarımasın bu Çoban! Yarçımasın bu çoban!
|