QARACIQ ÇOBAN
O lal olmuş dilini Çıxarardım ağzından! Al qanıvı axıdıb Üzərdim boğazıvı, Sürtərdim qara yerə O yumulmuş ağzıvı! Acı ölümün dadın Dadızdırardım sənə, Utan, ana, bu sözlər Nədir, deyirsən mənə?! Amandı, qadın ana! Bu işdən sakın, ana! Yolma qara başıvı, Axıtma göz yaşıvı, Qoy çəngələ aslanım, Qiymə-qiymə doğranım, Ətimi bişirsinlər, Sizə “Yeyin!” – desinlər, Qırx bəy qızı bir yesə, Yegilən dönə-dönə, Qoy bu alçaq azğınlar Səni tanımasınlar. Amandı, ana, gözlə, Amandı, ana, sakın, Amandı, qorugilan Namusun bəy babamın!
Uruz ürəklənərək Yaşardı qara gözü, Yanar od kimi pörtdü Sıxıntıdan gül üzü. Namuslu igid oğlun Sezdi namuslu ana, Köksündə ana qəlbi Alışıb yana-yana. Doğransa da ürəyi, Səs çəkib ağlamadı. Qızıl qanı axsa da, Yarasın bağlamadı. Yoldu boyun-qulağın, Qarışdı qırx qızlara, Dayandı toxtaq-toxtaq Cigər qan, ürək yara.
Baxıb toxtaq gördükdə, Mərd igid mərd ananı, Fərəhləndi, öyündü, Duruldu qara qanı: – Qadın ana, mərd ana, Sağ olsun ərəb atlar! Bir ilxıdan bir qulan Olsa, olmasa nolar?!
Sağ olsun qatar-qatar Qızıl-qızıl dəvələr, Qəltəbandan bir köşək Olsa, olmasa nolar?
Sağ olsun ağca-ağca, Sürü-sürü qoyunlar! Sürüdən bir quzucuq Olsa, olmasa nolar?!
Sən sağ ol, qadın ana, Əsən olsun bəy babam! Mənim kimi bir oğul Nolar olsam-olmasam?!
* * * Düşmən Uruzu aldı Ürəkdə qara kinə, Çəkə-çəkə gətirdi Qənarənin dibinə.
– Mərə, namərdlər, aman! Haqq-Tanrıya yox güman, Mənə möhlət veriniz Söyləşim bu ağaclan! –
Deyə, dar ağacıylan Söyləşir igid oğlan:
– Ağac, ağac, dinlə, qulaq as mənə, Neçə kəlmə söz gəlibdi sinəmə, Ancaq ağac-ağac söyləsəm sənə, Çox da çox öyünüb ərlənmə, ağac!
Mərd igidin mərd olarsa, yağısı, Unutmaz insafı, arı, namusu, Doğmanın birisi, yadın hamısı, Kəbənin evinin qapısı ağac!
Namərdin toyudur – igidin yası, Tökülüb üzünün şərmü-həyası, Silinməz könlümün qubarı, pası, Musayi-Kəlimin əsası ağac!
Bir deyil namərdlə mərdin ölçüsü, Sərvətdi dünyada eybin örtüsü, Müxənnət nə bilir yaxşını-pisi, Köpüklü suların körpüsü ağac!
Atəşim əridir dəmiri, misi, Min yaddan iyidir qardaşın pisi! Dərilməmiş qaldı ömrün zəmisi, Qara dənizlərin gəmisi ağac!
Qarış-qarış gəzdim kəndi, şəhəri, Mərdi darda gördüm, namərdi cəri, Alıcı quşların qırılıb pəri, Əli Düldülünün yəhəri ağac!
Batıb axıntılı suların səsi, Göyə qalxıb məzlumların naləsi, Zəmanə əyildib nakəsə, kəsi, Əli qılıncının qəbzəsi ağac!
Mərdin evi olub namərd eşiyi, Aslana yurd olub tülkü deşiyi, Haqsıza verilib haqqın keşiyi,
|