QANLI QOCA OĞLU QANTURALI
Köşkdən baxar! Kimə baxsa, baxışıylan Oda yaxar!
Qanturalı, sarı donlu Qız eşqinə bir “hu” dedi. Adı gözəl Məhəmmədi Çağırıban dəvəyə bir Dürtmə vurdu, zərbəsindən Nər bağırdı. Bir də vurdu, dəvə daxı Ayaq üstə duranmayıb Şumlanmış bir qala kimi Yerə dəydi. İgid oğlan əsrək nəri Boğazladı. Gövdəsindən İki zol gön çıxarıban Təkur şahın qənşərində Yerə vurdu. – Atlıların, tərkeş bağı, Üzəngisi qırılarsa, Tikmək üçün kara gələr! – Deyə, güldü. Təkur dedi: – Vallah, bunu gözüm gördü, Könlüm sevdi. Qırx bir yerdə qızıl, ala Gərdək tikdi. Qızı alıb kəl oğlanın Gərdəyinə gətirdilər. Ozan gəlib söy söylədi, Şadlıq çaldı. Qoçaq Oğuz igidinin Ömrü-günü çiçək açdı. El-gününü yada saldı, Qılıncını çixarıban Yerə çaldı: – Qara yer tək kərtiləyim, Torpaq kimi sovrulayım, Qılıncıma doğranayım, Peykanıma sancılayım, Oğlum-qızım doğulmasın, Doğularsa, on gününə Yetişməsin! Qadın ana, bəy babamla Görüşmədən bu gərdəgə Girər olsam!
* * * Çadırların yatıtdırdı, Dəvələrin buzlatdırdı, Qara qoçun kişnətdirdi, Köçün çatdı yola düşdü.
Yeddi gecə, yeddi gündüz Yol yolladı, yortub Oğuz Sərhəddinə gəlib çatdı, Çadır tikdi. – Hey qırx eşim, qırx yoldaşım! Qırxınıza qurban olsun Mənim başım! Qadir Tanrı mədəd verdi, Varıb getdim, üç heyvanın Başın kəsdim, Sarı donlu dilbər qızı Alıb gəldim. Bəy babama xəbər verin, Qoç oğluna qarşı gəlsin!
* * * İki sevgi baxıb gördü Qonduqları bu dağ, təpə Durnaların, sonaların, Kəhliklərin uçağıdır, Ceyranların, ahuların Keyiklərin oynağıdır. Hər tərəfı çay, çəməndi, Sular axır qəltan-qəltan, Şıqqıldayıb tökülürü Şurşuralar Qaba dağdan.
Yaşıl Təbriz xalçasından, Döşənmişdir sanki hər yan. Qüdrət əli qaşlamışdır Çiçəkləri brilyandan.
Yaşıl kollar bir qız kimi, Əldə tutub al piyalə, Yel əsdikcə gizli-gizli Pıçıldaşır dağda lalə.
Çadır qurub əyləndilər, Yeyib-içib dincəldilər. O zamanlar hər bir oğuz İgidinə hər nə qəza Yetişərsə, yuxlamaqdan Yetişərdi. Qanturalı al şərabın Nəşəsindən mürgüləyib, Gözlərini yuxu aldı, Uyub qaldı.
* * * – Məni görüb sevən çoxdu. Olmaya ki, Nagəhandan basqın edib, İgidimi öldürübən Ağca üzlü mən gəlini Atam-anam sarayına Qaytaralar?! – Deyə, Selcan düşünərək İgidinin Atın tutdu, yəhərlədi, Özü isə silahlandı. Süngüsünü elə aldı, Bir təpənin üstə çıxıb Keşik verdi.
* * * Məgər, dostlar, kafər təkur
|