QANLI QOCA OĞLU QANTURALI
Hami durdu. Təkur dedi: – Nərin ağzın yeddi yerdən Bağlaynız!
Həsud kafər bağlamadı! Dəhnələrin, yüvənlərin Açdı atdı. Qanturalı sərxoş-sərxoş Buğuranın sağ-solundan Qoltuğundan fırlar çıxar. Lakin iki canavarı Basıb salmaq mərd igidi Yorqunlatmış, İşdə bir az yavalanmış. O tövşəyin almaq üçün Dayanarkən, Altı cəllad yalın qılınc Başı üstə hazır oldu.
Yoldaşları bunu görüb Söy söyləmiş. Görək dostlar nə söyləmiş: – Qalxıbani öz yerindən Uru durdun, Qara yallı Qazlıq atı Bütün mindin, Ala gözlü igidlərin Atlandırdın, İri düymə, Qaba dağı Dünən aşdın Axıntılı daşqın suyu Dünən keçdin, Qanlı kafər sərhəddini Basıb keçdin. Kafərlərin buğasını Xurd-xaş etdin. Qoğan aslan gəldiyində Belin bükdün. Qara nərə yetişəndə Nə gecikdin?! Qarşı yatan bu dağlardan Xəbər keçə, Daşqın axan bu sulardan Ötüb keçə, Böyük Oğuz ellərinə Xəbər çata, Qanturalı nə eyləmiş, Söyləyələr: – Qara buğa yügürdükdə Başın kəsmiş, Qoğan aslan daşlandıqda Belin bükmüş, Qara buğa gəldiyində Dildən düşmüş – Söyləyərlər. Böyük-kiçik bunu deyib Danışalar, Qarı-qoca bunu deyib Danışalar. Ağ saqqallı qoca baban Bükük qala, Ağ birçəkli qarı anan Başa çala! Qalxıbanı öz yerindən Durmaz olsan, Altı cəllad başın üstə Qılınc tutar, Qafilcədən o görüklü Başın kəsər. Aşağıdan yuxarıya Baxmazmısan?! Qənşərinə ala gözlü Kəhlik gəldi, igid, nədən Tərlanını atmazmısan?! Sarı donlu Selcan xatın! Qaş-göz eylər. İgid, nədən işarətin Görməzmisən?! Söylər: – Dəvə dodağından Zəbun olar. Nədən yarın dediyini Duymazmısan?! Qanturalı uru durdu, Sarı donlu qız eşqinə Bir “hu” dedi. – Mərə, kafər, bu buğuranın Dodağından tutar olsam, “Qız sözilə qara nəri Zəbun etdi” – söyləyələr. Yarınkı gün Böyük Oğuz Ellərinə xəbər çata, “Bir dəvənin qarşısında Qalmış idi, qız qurtardı” – Söyləyələr – Deyə, duyub: – Mərə, dostlar, qopuz çalıb Öyün məni! O qüdrətli yaradana Sığınmışam! Yar yolunda bir buğradan Qaçmaq olmaz! Haydı, onun başını da Kəsim! – Dedi. Qırx igidi onu öyüb Söy söyləmiş, Görək, dostlar, nə söyləmiş:
– Qaf qayalar başında yuva salan, Qadir ulu, Tanrıya yaxm olan, Arı göldən şığıyıb ördək alan, Cümlə quşlar sultanı çal qaraquş Sağsağana özünü şığadarmı?!
Dov günündə bak etməyən yağıdan, Hay verəndə alayları dağıdan, Qızıl qandan daşqın sellər axıdan Alp igidlər, cilasınlar, ərənlər Bir tülküyə özünü daladarmı?!
Sarı donlu Selcan xatın
|