QANLI QOCA OĞLU QANTURALI
Öylən gedib axşamüstü Gəlmək ilən qız tapılmaz. Sən evdə qal, mala yetiş, Mən gedərəm gəzişərəm, Sənin üçün qız taparam – Deyə, qalxıb, sevinibən, Güvənibən sinə gərdi.
Ağ saqqallı bir qocanı Yoldaş edib, İç Oğuzu gəzib çıxdı, Qız tapmadı. Dış Oğuzu gəzib çıxdı, Qız tapmadı. Trabuzan ellərinə Gəlib çıxdı. Trabuzan təkurunun Görkəmli, gözəl-göyçək Bir qızı var, bir cüt yayı, Həm sağına, həm soluna Qoşa çəkər. Atdığı ox, yerə düşməz! Bu qız üçün üç canavar Saxlamışlar.
– Hansı igid üç heyvanla Pəncələşsə, qalib gəlsə, Heyvanların başın kəssə, Qız onundur – deyə, təkur Vədə vermiş. Kimsə isə məğlub olsa, Başın kəsər, bürcdən asar. Beləliklə, otuz iki Kafır dinli bəy oğlunun Başı bürcdən asılmışdı.
Üç heyvanın biri buğa, Biri buğra, biri isə Aslan idi. Başı bürcdən aslanılan Otuz iki bəy oğlunun Heç birisi aslan ilən Nər dəvəni görməmişdi. Ancaq onlar buğa kəlin Buynuzuna ilişərək Basılmışdı.
Qanlı Qoca başlar ilən, Heyvanları görən zaman Başındakı qara bitlər Ayağına süzüb gəldi: – Daha doğru, çıxaq gedək, Oğlancığa xəbər verək. Hünəri var, gəlib alsın, Hünəri yox, obadakı Qızcığaza, razı qalsm.
* * * At ayağı külək olur, Ozan dili yügrək olur. Qanlı Qoca Dağlar aşdı, çaylar keçdi. Oğlancığa xəbər gedib: – Baban gəldi, – söylədilər. Qanturalı qırx igidin Atlandırıb qarşı vardı. Atasının əlin öpdü: – Canım baba, mənə layiq Qız tapdınmı? – Deyə, sordu. – Tapdım, oğul! Ancaq işdə Hünər gərək! – Deyə, qoca Cavab verdi. – Altun, axça, qəflə, qatır İstər, baba? – Dedim, oğul, hünər istər, Hünər gərək! – Canım baba, gözüm baba, Qara yallı Qazlıq atı Minnəm indi. Qanlı kafər ellərinə At salaram, Baş kəsərəm, qan tökərəm, Azğın dinli kafərlərə Qan qusdurram. Axça-altun, qul-qaravaş Gətirərəm, Hünərimi göstərərəm. – Canım oğul, gözüm oğul, Dediklərin hünər deyil, Bu sövdada başqa cürə Hünər gərək. O qız üçün üç canavar Şaxlamışlar. Üç heyvanı kimsə bassa, Qızı ona verəcəklər. Basanmasa, məğlub olsa, Başın kəsib bürc üstündən Asacaqlar. – Gözüm baba, mənə gərək, Bu sözü sən, deməyəydin, Gedəm gərək, çünki dedin! Getməz olsam, yarınkı gün Bu söz mənə qaxınc olar, Toxunc olar! Canım baba, qadın ana, Əsən qalın! – Görürsənmi öz-özümə Nə eylədim? Oğlancığı qorxutsanam?! Bəlkə qorxub getməz ola – Deyə, qoca düşünərək Söy söyləmiş: – Sən gedən yerlərin, sultanım oğul, Dolamac-dolamac cadası olur, Üzərində uçan quş qanad salmaz, Göylərə qovuşan qalası olur.
Palçığına atlı batsa, çıxanmaz, Ormanların ala ilan sökənməz, Boz aslanlar sularından içənməz,
|