|
QANLI QOCA OĞLU QANTURALI
Ala xalı döşədilər, Yerə otdu. – İgid, bura hardan gəldin? – Deyə, təkur sual verdi.
Qanturalı yerdən durdu, Ədəb ilən başın açdı, Ağ biləyin sığalladı: – Qarşı yatan Qara dağın Aşmaq – deyə, gəlmişəm mən! Axıntılı sularından Keçmək – deyə, gəlmişəm mən! Ətəyinə, qoltuğuna Sığınmağa gəlmişəm mən! Haq-Tanrının buyuruğu, Peyğəmbərin dediyilə Qız almağa gəlmişəm mən! – Bu igiddə hünər olsa, Sözüm yoxdur! – Deyə, təkur Qəbul etdi.
* * * Yasavullar qoç oğlanı Soyundurdu. O bir taqə Altın arqac, kətan bezin Gövdəsinə sarıtdadı, Meydan açdı. Qanturalı Sahib cəmal, sahib kəmal, Görsətmə bir igid idi. Oğuzların dörd igidi Niqab ilən dolanardı – Qanturalı, boz ayqırlı Beyrək xan, Qara Çəkir, Birisi də onun oğlu Xan Qırqınıq.
Qanturalı niqabını Götürərkən qız baxırdı. Ay camallı, aslan üzlü Mərd igidə gözü düşcək Daraxlığı boşa getdi. Dabbağ olmuş dana kimi Cüycüsündün su töküldü. Başındakı qırx yoldaşa Baxıb dedi: – Tanrı-təala şah babamın Ürəyinə rəhm sala, Kəbin kəsib bu oğlana Verə məni. Heyifdir ki, bu cür oğlan Heyvanların dırnağında Həlak ola! Selcan xatın bu sözdəkən Yeddi dəmir zəncir ilən Zəncirlənmiş buğa kəli Gətirdilər. Buğa gəlib dizə çökdü, Meydandakı mərmər daşa Buynuz vurdu, pənir kimi Didib tökdü. Hamı baxıb söyləşdilər: – Ənqəribdi[4] ki, igidi Atar, yıxar. – Yaxılsın Oğuz elləri, Qırx igidlən bir bəy oğlu Bir qız üçün ölmək nədir?! – Qoç oğlanın qırx igidi Bunu duyub ağlaşdılar.
Qanturalı sağa baxdı, Sola baxdı, igidlərin Ağlar gördü, bir hay verdi, Nə söylədi: – Hey, qırx eşim, qırx yoldaşım! Nə olub ki, ağlayırsız? Qopuzumu mənə verin, Məni öyün!
Qanturalı qopuz çalır, Qırx igidi onu öyür, Görək dostlar necə deyir: – Hey sultanım, Qanturalı! Qalxıbanı sən yerindən Durmadınmı? Qara yallı Qazlıq ata Minmədinmi? Köksü gözəl Qaba dağı Ovlayıban yenmədinmi? Obadakı inək sağan Qaravaşı görmədinmi? Buğa, buğa dedikləri, O inəyin buzovası Deyildimi? Alp ərənlər qırımından Qırarmı? Qoç igidlər bir buzovdan Qorxarmı? Sarı donlu Selcan xatın Köşkdən baxar! Kimə baxsa, baxışıylan Oda yaxar! Qanturalı sarı donlu Qız eşqində bir “hu” dedi, – Mərə, kafər, buğanızı, Buraxınız gəlsin! – Dedi.
Əsrək kəlin zəncirlərin Götürdülər. Dəli buğa buynuzların Almas uclu cida kimi Şüşlədərək nər oğlanın Üzərinə hücum etdi. Qanturalı adı gözəl Məhəmmədi çağırıban Bir yumuruq qızğın kəlin Qaşqasına ilişdirdi. Əsrək buğa dalı üstə Yerə çökdü, qalxar-qalxmaz
|