QAZAN BƏYİN OĞLU URUZUN DUSTAQ OLMASI
Bir ya iki bölük olur, Bu gələnlər yağıdırlar, bilin, – Dedi. Toz yarıldı. Günəş kimi, İşıldadı, dəniz kimi Yayxalandı, meşə kimi Qaraldı. Onaltı min İp rikaplı, keçə börklü, Azğın dinli, quzğun dilli Kafər birdən çıxa gəldi. Salur Qazan qonur atın Çəkdiribən bütün mindi. Oğlu Uruz cilovunu yığışdırıb Bədöy atını oynatdı, Qarşı gəldi belə aydır: – Bəri gəlgil ağam Qazan, Dəniz kimi o qaralıb gələn nədir, Alov kimi işıldayan, Ulduz kimi parıldayan Nədir, ağam, ağız dildən Beşçə kəlmə xəbər mənə. Qara başım, qurban olsun Babam sənə! Qazan Aydır: – Bəri gəlgil, Aslanım oğul, dəniz tək Yayxalanan, kafərin ləşkəridir. Günəş tək işıldayan, kafərin İşığıdır, ulduz tək parıldayan Kafərin cidasıdır, yürüş edən Azğın dinli kafərlərdir.
Oğlan Aydır: – Baba, Yağı nə deməkdir? Qazan Aydır: – Oğul, Yağı o deməkdir, Biz onlara çatan zaman Öldürürük, onlar isə Bizə çatsa, öldürürlər. Uruz aydır: – Baba, əgər içlərində Bəy igidlər öldürülsə, Qanın almaq istəməzlər? Qazan aydır: – Oğul, Minlərcə kafər öldürsən, Kimsə səndən qan istəməz. Ancaq, azğın dinli kafər Yaxşı yerdə tuşa gəldi, Vəli, sənsə yaman yerdə Duşaq oldun. Uruz burada söyləmiş, Görək, xanım, nə söyləmiş: – Bəri gəlgil, ağam Qazan, Qalxıbanı yerimdən mən Bədöy atımı saxlardım, Bu gün üçün, günü gəldi. Ağ meydanda səgirdərəm Sənin üçün. Ala uzun Sür cidamı saxlayardım, Bu gün üçün, günü gəldi. Qaba qarın, gen köksü də Oynadaram sənin üçün. Qara polat üz qılıncım Saxlayardım bu gün üçün, Günü gəldi. Sası dinli Kafər başın kəsər ollam Sənin üçün. Əynimdəki Dəmir donum saxlayardım, Bu gün üçün, günü gəldi. Yan-yaxalar tikdirərdim Sənin üçün. Başımdakı, Dəbilqəni saxlayardım, Bu gün üçün, günü gəldi. Qaba çomaq altında yoğradardım Sənin üçün. Qırx igidim Saxlayardım bu gün üçün, Günü gəldi. Kafər başın Kəsdirəyim sənin üçün.
Aslan adım saxlayardım Sənin üçün. Yaxa tutub Kafərlərlə uğraşalım, Sənin üçün. Ağız dildən Bir qaç kəlmə xəbər mənə, Qara başım qurban olsun, Ağam, sənə!
Qazan burada söyləmiş, Görək, xanım, nə söyləmiş: – Oğul, oğul, ünüm anla, Sözüm dinlə, ol kafərin Üçün atıb birin yarmaz Oxçusu olur. Hey, demədən Başlar kəsən cəlladı olur, Adam ətin, yıxnı qılan Aşpazı olur, sən varası Kafər degil. Qalxıbanı Yerimdən mən duraram, Qonur atımın belinə Minərəm, gələn kafər mənimdir. Mən vararam, qara polat üz Qılıncım çalaram. Azğın dinli kafərlərin Başlarını kəsərəm, Dönə-dönə savaşaram, Dönə-dönə çəkişərəm, Qılınc çalıb baş kəsdigimi Görgilən öyrəngilən, Qada başına gələndə gərəkli olur. Uruz burada söyləmiş Görək, xanım nə söyləmiş: – A bəy baba, eşidirəm, Ərəfatda ərkək quzu Qurban üçün. Ata-oğul Qazanırı şöhrət üçün. Oğul da qılınc quşanır Ata üçün, qeyrət üçün. Mənim isə başım, canım Qurban olsun sənin üçün. Qazan burada söyləmiş Görək, xanım nə söyləmiş: – Oğul, can oğul,
|