TƏPƏGÖZ
Yeləgindən bir tutam ox Çıxarıban belə taxdı. Xoftan geydi, qılınc asdı Qatı yayın ələ aldı. Atasının, anasının Əlin öpüb halallaşdı: – Xoş yaşayıb, əsən qalın! –
Deyə, vardı, Sallaqxana qayasına Gəlib çıxdı. Təpəgözü Arxasını günə verib Günəvərdə yatmış gördü. Yayın çəkib birgözlünün Ürəyinə bir ox vurdu.
Dəmirli ox kar kəsmədi, Paralandı yerə düşdü. Bir də vurdu, yenə oxu Sınıq-sınıq olub düşdü. Dəli quduz qocaları Sezib dedi: – Bu yer məni üşündürdü.
Basat yenə oxun atdı, Yenə dəyib parçalandı. Pərəm-pərəm dağılaraq, Bir parçası Təpəgözün Qarşısında yerə düşdü.
Quduz şeytan daşlanaraq Uru durdu. Basat xana gözü düşcək Əl çalıban qas-qas güldü: – Mərə, yenə görünür ki, Oğuzlardan bizim üçün Quzu gəlmiş – deyə, varıb, Mərd aslanı qabağına Qatıb tutdu. Boğazından sallayaraq Yatağına gətiribən Ödügünün bir küncünə Basıb dürtdü. – Hey, qocalar! Bunu mənim İkindimə bişiriniz, Yeyim! – Deyib, yenə uydu.
Dəli Basat xəncərilən Ayaqqabın yarıb çıxdı: – Hey qocalar, bunun canı Nəyindədir? – Biz bilmirik! Ancaq bütün bədənində Əti bircə gözündədir.
Dəli aslan Təpəgözün Başı üstə gəlib, gördü Gözü ətdir: – Hey, qocalar! Dəmir şişi Oda qoyun, qızsın! – Dedi. Şişi oda buraxdılar, Pullatdılar. Basat şişi ələ alıb. Var gücilə Təpəgözün Tək gözünə basıb soxdu. Göz töküldü. Quduz elə anqırdı ki, Dağa-daşa lərzə düşdü.
Basat qaçıb məğarədə Qoyunların arasında Daldalandı. Dəli şeytan bunu duydu, Qapı ağzın kəsib durdu. Paçaların aralayıb: – Mərə, ağır sürülərin Başı erkəc, çək qoyunu, Hamı gəlsin bir-bir keçsin!
Qoyun gəlib paçasının Arasından sovuşarkən Hamısının baş-gözünə Əlin çəkər, bir-bir yoxlar. Yenə haylar: – Toğlucuqlar tutulacaq. İqbalım qoç, sən gəl sovuş! Səmiz bir qoç yerdən qalxıb Silkinərkən dəli Basat Basıb-tutub boğazladı, Dərisini çəkdi üzdü. Baş quyruğun ayırmadı. Bürünübən Təpəgözə qarşı vardı.
Kor Təpəgöz əlin çəkdi, Basat xanın dəri içrə Olduğunu duyub bildi:
– Hey sığır qoç, mənim həlak Olacağım yeri söylə, Necə bildin? Səni elə bu köhülün Divarına güpəyim ki, Bol quyruğun məğarəni Yağlandırsın.
Basat, Qoçun kəlləsini Təpəgözün əllərinə Uzadaraq, macal tapıb, Qıçlarının arasından Sıçırayıb dışra çıxdı. Dəli quduz boş dərini Buynuzlayıb, Təpəsinə qaldıraraq Yerə çırpdı: – Mərə, oğlan, qurtardınmı?
|