|
BƏKİL OĞLU ƏMRAN
Ər bağrından keçirdərəm Sənin üçün! Üç yüz atlı ala gözlü İgidlərin vergil mənə, Yoldaşlaşıb döyüşərəm, Vuruşaram sənin üçün! Qoca Bəkil fərəhlənib: – Oğul, ölüm ağzın üçün! Ola mənim çırağımı, Yandırasan, oğul, məgər. Dövranımın keçdiyini Dost-düşmənlər görməyələr. Gətiriniz, mərə, mənim Geyimimi, oğlum geysin! Al ayğırım çəkin, mənim Oğlum minsin, El hürkmədən meydan açsın! Deyə, qalxıb dəstur verdi. Nər oğlanı donaltdılar. Atasının, anasının Əlin öpüb Üç yüz atlı arxasında “Meydan” deyib yola düşdü.
* * * Ala ayğır yağı igid Alar isə, ayağını Yerə vurar, Toz qoparar. Düşmən aydır: – Mərə, bu at Bəkilindir, Biz qaçırıq. Təkur aydır: – Bir də yaxşı baxın, balam, Bu gələn ər Bəkil olsa, Sizdən qabaq mən qaçaram. Gözətçilər göz qoyuban Gördülər at Bəkilindir, Bəkil deyil, ancaq gələn. Qayıdıban gördüklərin Təkur şaha söylədilər. Təkur aydır: – Oğlan xalqı quş ürəkli, Qorxaq olur. Üç yüz igid seçilibən Şaqqıldatma şaqqıldatsın, Qorxsun qaçsın. Üç yüz adam şaqqıldatma Çatladarkən Sarsaq yağı söy söyləyir, Nələr deyir: – Oğlan, oğlan, haramzada, Altındakı al ayğırı Arıq oğlan, Qara polad üz qılıncı Gödək oğlan, Ağ tozluca qatı yayı Sınıq oğlan, Belindəki doxsan oxu Seyrək oğlan, Yanındakı yoldaşları Qorxaq oğlan, Qaranqulu gözcığazı Çöngə oğlan, Şöklü Məlik, oğlan, sənə, Qatı qusmuş. Meydandakı o oğlanı Tutun! – demiş. Ağ əllərin qarğısından Çatın! – demiş. Görüklücə qara başın Kəsin! – demiş. Alca qanın yer üzünə Tökün! – demiş. Ağ saqqallı baban varsa, Bozlatma gəl! Ağ birçəkli anan varsa, Ağlatma gəl! “Yovşan dibi bərk olmaz, Yalqız igid alp olmaz”!
Qada tutmuş qavat oğlu Qavat oğlan, Qayıt burdan itil geri!
Körpə Əmran Yağıların cavabında Söy söylədi, nələr dedi:
– Hərzə-hərzə mırıldama, İtim yağı! Altımdakı al ayğırı Bəyənməzsən? Səni görcək oynar qalxar.
Əynimdəki dəmir donum Bəyənməzsən? Səni görcək çiynim sıxar.
Belimdəki qılıncımı Bəyənməzsən? Səni görcək qının kəsər.
Əlimdəki qarğı süngüm Bəyənməzsən? Səni görcək köksün dəlib Göyə parlar.
Ağca tozlu qatı yayım Bəyənməzsən? Səni görüb zar-zar inlər.
Sadağımdan doxsan oxum Bəyənməzsən? Səni görüb qabın dələr.
Yanımdakı igidləri Bəyənməzsən? Hol verərsəm, səni dənlər.
|