BƏKİL OĞLU ƏMRAN
Atın salar. Buğasının, sığırının Boğazına çiriş atar, Çəkər, tutar. Arıq olsa, qulağını Alıb dələr, azad elər. Simiz olsa, boğazlayıb Başın kəsər. Xanlar hər vaxt keyik tutsa, Qulağında deşik olsa, Bəkilindir bu ov – deyə, Göndərərlər Bəkil bəyə.
Bəkil xanın bu işindən Söhbət düşdü, Xan soruşdu: – Mərə, bəylər, iş bu hünər İgiddəndir, ya atdandır? Bəylər hamı: – İgiddəndir! – Yox! Atalar demişlər: “At işləməsə, ər öyünməz!” Böyük hünər atınkıdır! - Deyə, Qazan nəzər verdi. Söz Bəkilə ağır gəldi: – Alp ərənlər sırasında Yaxşı məni quşqunumdan Zığa basdın – deyə, durdu. Bayındır xan bəxşayişin Qabağına töküb atdı. İgidlərin götürübən Öz evinə varıb getdi, Yurda yetdi.
Oğlanları qarşı gəldi, Dindirmədi, qonuşmadı, Ağca üzlü xatınıylan Kəlmə verib danışmadı.
Xatın baxıb söy söylədi, Yoldaşına nələr dedi: – Göz açıban görüşdüyüm, Könül verib sevişdiyim, Qızıl təxtim, bəy igidim! Qalxıbanı öz yerindən Uru durdun, Başı uca, köksü qaba Dağlar aşdın. Axıntılı gur sulardan Aşıb keçdin. Ağ alınlı Bayındır xan Görüşünə varıb getdin. Bəylər ilə yedin-içdin, İstiqanlı el-qovumla Sən görüşdün. Başın nədən qalmaqaldır?
Xan yanından qayıdırsan Yedəgində Şahbaz ayğır, Atın hanı? Mərd arxanda altun işıq, Cübbə hanı? Ala gözlü igidlərin Oxşamazsan, bu nə haldır?
Aslan igid, Xatınına cavab verdi, Nələr dedi:
– Qalxıbanı öz yerimdən Durar oldum, Qara yallı Qazlıq atı Bütün mindim, Əgri qübbə Ala dağı Dünən aşdım, Axıntılı gur çaylardan Gecə keçdim, Bayındır xan divanına Çapar yetdim, Ala gözlü igidlərlə Yedim-içdim, İstiqanlı el-qovumla Görüş gördüm, Xanımızın könlü bizdən Dönmüş gördüm, Çatın köçü, sası dinli Gürcüstana köçək! – Dedi. Xatın aydır: – Bəy igidim, Mərd ərənlər öz elindən Üz döndərməz! Ellərinə asi olan Həyatından xeyir görməz, Üzü gülməz! Pak ürəkdə kədər olsa, Al-qırmızı şərab açar. Sən gedəndən qarşı yatan Qara dağlar ovlanmamış, Qayalarda ceyran qaçar, Bir neçə gün ova var get, Qoy açılsın könlün, igit!
Bəkil gördü xatınının Ağlı iydir, İgidlərin atlandırıb Ova getdi.
Pozğun igid ov ovlarkən Bir yaralı maral gördü, Dalısıyca atın saldı. Yay çirişin buğacığın Boğazına saçıb atdı.
Buğa keyik acımışdı. Can dərdindən sıçırayıb Uçurumdan özün atdı. At, tovunu alanmadan Dağdan uçdu. Yıxılıban qaba leşi
|