BƏKİL OĞLU ƏMRAN
Basıb tutun! Ağ əllərin dalda çatın, Qafillicə başın kəsin. Alca qanın yerə tökün, Elin-günün basıb soyun. Ordusunu yəğmalayın, Ev-uşağın əsir qılın!
Məgər təkur məclisində Casusu var Bəkilin də. Varıb gəldi: – Nə yatıbsız, mərə, durun, Başıvıza çarə qılın – İş belədir! Üstünüzə yağı gəlir. Deyə, xana xəbər verdi.
Düşkün igid Sağa baxdı, sola baxdı, Göylər qısnaq, yerlər qatı, Heç tərəfdən mədəd yoxdu. Oğlancığın çağırıban, Söy söylədi, nələr dedi:
– Oğul, oğul, canım oğul! Aydınlıca göz işığım, Əl ağacım, qanım oğul, Sən bax mənim bir işimə, Nələr gəldi gör başıma.
Bayındır xan məclisindən Dura gəlib, Qazlıq atım bütün minib, Quş quşladım, ov ovladım.
Boynu sınsın, Ala ayğır Sürüşübən büdürədi, Məncığazı yerə çaldı. Sağ ayağım burxuluban Sınar oldu. Qara-qara bu dağlardan Xəbər aşdı, Qanlı-qanlı gur sulardan Aşıb keçdi. Azğın dinli düşmənlərim Xəbər tapdı. Ala atlı Şöklü Məlik, Qatı susmuş, Mən Bəkili yatar yerdə Tapın, demiş. Qarğısından ağ əllərin Çatın demiş. Ordusunu yəğmalayıb Çapın, demiş. Ağca üzlü qız-gəlinin Əsir qılıb tutun, demiş. Qalxıbanı öz yerindən Durgil, oğul! Qara yallı Qazlıq atın Mingil, oğul! Canım oğul, öpüm gözün! Əyri yatan bu dağlardan, Daşğın axan gur sulardan Keçib-gedib, Ağ alınlı Bayındır xan Divanına yetir özün. Ağız-dildən ulu xana Salam verib, Qırış günü öndən təpən, Bəylər bəyi Xan Qazanın Əlin öpüb Söyləgilən: – Ağ saqqallı qoca Bəkil Bükülübən bükük qalmış. Söyləmiş ki, hələ həlbət Özün mənə yetir, əlbət. Hüdudumuz pozuluban Ölkəmizə yad soxulur, Qız-gəlinim düşmənlərə Əsir olur. Bəlli bilgil!
İgid oğlan babasını Dinləyərək söy söylədi. Baxaq görək quzu aslan Nə düşünüb, nələr dedi:
– Canım baba, gözüm baba, Nə söylərsən, nə ağlarsan? Ürəyimi nə dağlarsan? Qalxıbanı öz yerimdən Durmağım yox! Qara yallı Qazlıq ata Minməyim yox! Əyri qübbə Ala dağı İlqayıban aşmağım yoxl Ağ alınlı Bayındır xan Divanına getməyim yox! Qazan kimdir? Onun əlin Öpməyim yox!
Altındakı Ala atın Vergil mənə, Meydanlarda çapızdırım Sənin üçün!
Əynindəki bərk əyinli Dəmir donun vergil mənə, Yeni yaxa sökdürərəm Sənin üçün! Qara polad qılıncıvı Vergil mənə, Qafalıca baş kəsərəm Sənin üçün. Qarğı dallı, ilan dilli Süngüvü sən vergil mənə, Köksüsündən ər sancaram Sənin üçün! Ağ yelikli ötgün oxun Mənə vergil,
|