DİRSƏ XAN OĞLU BUĞAC
Gəlib keçdi. Karvan kimi qondu köçdü. Yer gizlətdi, əcəl aldı, Qoca dünya yenə qaldı. Gedən getdi, yaxşı-pisdən Gələnlərə bir ad qaldı.
* * * Görüm, dostlar, qafil ölüm Gələn zaman mərd igidə Keçid versin! Sağlıq kimi dövlət olmaz, Bu dövləti Haqq artırsın! O öydüyüm uca Tanrı, Dost oluban mədəd versin!
Yümn edəlim, Yerli qara dağlarnıız Yıxılmasın! Kölgə salan ağaclarnız Kəsilməsin! Daim axan aydın sular Azalmasın, qurumasın! Uca uçan tərlanların Qanadları qırılmasın! At çapanda atınızın Ayaqları büdrəməsin! Çarpışanda qara polad Qılıncınız kütəlməsin! Dürtüşəndə, çəkişəndə Kəndiriniz ufanmasın! Ağ birçəkli anaların Axır yeri behişt olsun! Ağ saqqallı babaların Son sarayı cənnət olsun! Haqq yandıran çırağınız İşıqlansın, yanar dursun! Görüm möhtac olmayasız Namərdlərə, dostlar, sizi!
|