DİRSƏ XAN OĞLU BUĞAC
Xanlar xanı Bayındıra Xəbər çata: – Dirsə xanın oğlu bu cür Bidət işlər görür – deyə, Söyləyələr. Gəzməkdənsə, Ölmək sənə yaxşı ola. Bayındır xan çağırıban Qəzəb edə, Belə oğul sənin üçün Nə gərəkdir?! Olmağından olmamağı Yaxşıraqdır. Öldürsənəm!
– Gətiriniz, öldürəlim! – Deyə, Dirsə buyurarkən Qırx igidin son igirmisi Çıxa gəldi. – Hey, Dirsə xan, sənin oğlun Yerdən durdu, Köksü gözəl Qaba dağa Ova çıxdı. Sən var ikən, Ov ovladı, quş quşladı. Anasına məclis qurub, Söhbət edib badə içdi. Atasına qəsd elədi, Yarımasın sənin oğlun!
Qarşı yatan Ala dağdan Xəbər keçə, Aydın axan gur sulardan Aşıb keçə, Xanlar xanı Bayındıra Xəbər çata: – Dirsə xanın oğlu bu cür Bidət işlər görür – deyə, Söyləyələr, Çağırıban Bayındır xan Qəzəbinə tuş olasan? Belə oğul sənin üçün Nə gərəkdir?! Öldürsənəm! Deyə, onlar söylədilər.
– Gedin, tutub gətiriniz, Öldürəlim! Bu cür oğul mənim üçün Gərəkməzdir! – dedi, Dirsə. – Biz oğlanı necə tutaq? O bizləri sayan deyil, Sözümüzə baxan deyil. Dur ayağa, Qırx igidin boyuna al, Oğlunu da götürübən Çıx ovlağa! Quş uçurdub, ov ovlayıb, Oğlancığı oxlayıban Geri qayıt! Onu bu cür öldürməsən, Başqa cürə öldürülməz! – Deyə, onlar uydurdular.
* * * Sərin-sərin əsən zaman Salxım-salxım dan yelləri, Qaqqıldaşıb səyirəndə Boz irəgli torağayı.
Uzun saqqal, uzun ətək Tat dam üstdə banladıqda, Bədöy atlar yorğalayıb Yollar üstə uğradıqda.
Köksü gözəl Qaba dağa Səhər-səhər gün dəyəndə, Böyük oğuz ellərinin Qız-gəlini bəzənəndə, Ala-sabah axmaq Dirsə Yerdən durdu. Qırx namərdin atlandırıb, Buğacı da götürərək, Ova çıxdı, Ov ovladı, quş quşladı.
Qırx namərdin bir neçəsi Buğac bəyə yaxınlaşdı. – Atan dedi: Keyik qovsun, Gətiribən mənə qənşər, Vurub salsın. At oynadıb, qılınc çəkib, Ox atmasın gözüm görsün, – Fərəhlənsin, – söylədilər.
İgid oğlan ayın-şayın Sevinc ilə at oynadır. Keyik qovur, maral qovur, Atasının qarşısında Oxlayıban yerə salır. Öz yanında: – Qoy xan babam at siyirdib, Qılınc çalıb ox atmama Fərəhlənsin! Mənə baxıb güvənibən Fəxr eləsin! – Deyə, yazıq düşünürdü. Ol qırx namərd: – Hey, Dirsə xan, görürsənmi, Oğlan necə keyikləri Bezikdirir? Hər tərəfdən qovur, sənin Qabağında yerə salır? Olmaya ki, ceyranlara Ox atarkən səni vura? Oğlan səni öldürmədən, Tez ol onu öldür! – deyə, Uydurdular.
Keyiklərin dalısınca Oğlan qızğın at çapdırıb, Babasının qənşərindən Ötən zaman
|