DİRSƏ XAN OĞLU BUĞAC
Xatın buna qatlaşmayıb Geri döndü. Qırx incə qız yoldaşların Atlandırdı. Bədöy atın səyridərək, “Oğul” deyibən yola düşdü. Qışda, yazda qarı, buzu Əriməyən Qaba dağa Atın sürdü, Alçaqlardan ucalara Çapıb çıxdı. Bir dərənin üzərində Quzğunları uçar gördü, Bədöy atın o tərəfə Qamçıladı.
* * * Oğlan atdan yıxılarkən Göy-boz atlı Xızr İlyas Başı üstə hazır olub, Bərəkətli əllərilə Yarasını sığıyaraq: – Bu yaradan qorxmagilən, Sənə ölüm yoxdur ondan. Dağ çiçəyi, ana südü Məlhəmindir sənin, oğlan! – Deyə, dönüb qeyb olmuşdu.
Xızr gedir, oğlan iki Tazisilən qumlar üstə Düşüb qalır. Qarğa-quzğun qan görübən Yaralını qavmarlayır. Kəlbəciklər mırıldayıb Dövrəsinə dolanırlar. Quzğunları qovalayıb Qonmaqlığa qoymayırlar.
* * * Başılovlu yazıq ana Al qanına batıb yatan Balasının leşi üstə Çapar yendi. Oğlanını duymaz gördü, Çağırıbən nə söylədi:
– Yuxu almış qara, xumar Gözlərini bir aç axı!
Gözlərini kədər tutmuş Bu anaya bir bax axı!
Tanrı verən şirin canın Seyrandaymış indi axı!
Dil-ağızdan, şirin candan İki kəlmə xəbər mənə!
Qara yazı, qara başım Qurban olsun, oğul, sənə!
Qarşı yatan uca dağlar Ucalarkən alçaq olsun!
Qazlıq dağdan axan sular Axar ikən, axmaz olsun!
Bu dağlarda bitən otlar Bitən yerdə bitməz olsun!
Qayalarda qaçan ceyran Qaçar ikən qaçmaz olsun.
Qəza səni hardan tutdu? Aslandanmı, qaflandanmı? Bədənində canın varsa, Dil-ağızdan xəbər mənə. Qara yazı, qara başım Qurban olsun, oğul, sənə! Anasını dinləyərək Gözlərini açdı oğlan, Görək dili tutar-tutmaz Nə söyləmiş anasıylan:
– İrəli gəl, sinəsindən Qana-qana Süd əmdiyim ağ birçəkli Qadın ana!
Qazlıq dağdan axan sular Günahsızdır, qarğama gəl!
Bu dağlarda bitən otlar Günahsızdır, qarğama gəl!
Qarşı yatan uca dağlar Günahsızdır, qarğama gəl!
Sıldırımda ceyranlar da Günahsızdır, qarğama gəl!
Aslanlar da, qaflanlar da. Günahsızdır, qarğama gəl!
Qarğasan, babamı qarğa, Bu iş mənə babamdandır – Deyə, oğlan yenə dedi:
– Ana, nə qorx, nə də ağla, Göy-boz atlı Xızr İlyas Başım üstə gəldi mənim, Ox yarama çəkdi əlin: – Bu yaradan sənə ölüm Yoxdu! – dedi. Dağ çiçəyi, ana südü Dərmanındır, – demiş – sənin.
* * * Yaralının sözlərini Dinlədikdə qırx gülbədən,
|