DİRSƏ XAN OĞLU BUĞAC
Topuğunu saçı döyən Qara saçlım, Qara qaşı yaya bənzər Çatma qaşlım, Qoşa badam sığışmayan Dar ağızlım, Yanaqları güz alması Al yanaqlım, Ev dirəyim, əl düləyim, Bilirsənmi nələr oldu? Qalxıbanı Xan Bayındır Yerdən durmuş, Bir yerdə ağ, bir yerdə al, Bir yerdə də qara çadır Qurdurmuşdur. Oğlu olanı ağ çadıra, Qızı olanı al çadıra, Oğul-qızsız sonsuzları Qara evə qondururu! Qara keçə üzərində əgləndirir, Qara qoyun yəxnisindən Yemək verir. Buyurmuş ki, oğlu-qızı olmayanı Tanrı-taala qarğamışdır, Biz də dəxi qarğayayız!
Beləliklə qarşıladı Onlar məni. Söylə görüm, bu qara eyb Səndəndirmi, məndəndirmi? Səbəb nədir, Tanrı bizə Bir igidmən oğul verməz? Sonra demiş:
– Xan qızı, mən aşnalığı ataram, Yaxalayıb boğazından tutaram, Bu sövdada nahaq qana bataram, Söylə mənə, səbəb nədir bu işə? Söyləməsən, Qara polad qılıncımı çəkərəm, Al qanıvı yer üzünə tökərəm, Ayrılığın şərabını içərəm, Söylə mənə, səbəb nədir bu işə?
Acıqlanmış aslan kimi Dodaqların çeynəyərək, Dirsə xanın cavabında Nələr dedi xatın görək:
– Hey, Dirsə xan, mənə qəzəb eyləmə, İncinibən acı sözlər söyləmə. Dur ayağa, çadırların qurgilən, Qoyunları qənarəyə vurgilən. Təpə kimi ət, yağ qala bu düzə, Gölməş kimi qımız cala bu düzə. Ac-yalavac qalanlara yemək ver, Əyniyalın çılpaqları geyindir. İç Oğuzu, Dış Oğuzu qonaqla, Borcluların borclarını qıl əda. Sən elə bax, alqışlasın el səni, Haqq unutmaz el qəmini görəni. Hacət dilə, el sənə nəfəs versin, Bəlkə Tanrı səsimizə səs versin.
* * * Demək, Dirsə qadınını dinlədi, Nəzr eləyib böyük bir toy eylədi. Qoyun-quzu kəsdi, qırdı at, dəvə, Oğuz ellərini yığdı bir yerə. Harda bir ac gördü, doyurdu onu, Yalınçıq olana geydirdi donu. Borclu olanların borcunu verdi, Xərcliksiz qalanm qəmini gördü. Hər yerdə dağ kimi ət, yağ qaladı, Su kimi çaylara qımız caladı. Hansı atılan ox hədəfə dəydi, Bir ağzıgöyçəyin sözü göyərdi. Xatın o günlərdə hamilə oldu, Çox zaman keçmədən bir oğlan doğdu.
* * * Oğlancığı dayalara Tapşırdılar, saxlatdılar. At ayağı külək olur, Ozan dili yügrək olur. Zaman keçdi, il dolandı, Oğlan boya-başa çatdı, On beş yaşlı bir gənc oldu.
* * * Deyirlər ki, Bayındır xan Sarayında iki əsrək buğa varmış. O buğalar qara daşa Buynuz vursa, ovularmış. Yaz olanda güz olanda Toy tutallar, buğaları Döyüşdürüb xanlar, bəylər Təfərrücə[2] yığılarmış. Yenə bir yaz Bayındırın Ordusunda toy başladı. Ağ meydanı süpürdülər, Suladılar. Buğaların hər birini, Altı dəmir zəncir ilən Zəncirləyib, altı kişi – Üçü sağdan, üçü soldan Zəncirlərdən yapışaraq Çəkə-çəkə gətirdilər. Gün görməmiş buğaların Biri ancaq Zəncirlərin çəkib qırır, Kişilərin əllərindən Buraxılır.
Meydan dəyir bir-birinə, Dirsə xanın oğlanı da İki nəfər yaşıdıyla Bir tərəfdə aşıq oynur. Ağürəklər qaçıb tezir, Oğlancığın dostları da
|