SƏSLİ QIZ
Gülümsəmə belə şad; Saranın məmləkəti, Köhnə mənada azad.
Orda hər şey asılı Qan içən bir kraldan, Sor orda hürriyyəti Baftalı generaldan. Yoxsullar o ölkədə Özgəyə can vermədə. Hürriyyətin barını Tox qarınlar dərmədə. Sən ancaq istibdadın Eşitmişsən adını; Bax, alnımda izn var Görmüşəm mən dadını. Bir bu süzgün baxışla Gün düşən dağlara bax: Mən bu yaşıl dağlardan İllərcə düşdüm iraq!
Nə varlıqlar verildi Bir çox yox olmuşlara! O qanlı günlər hara. Bugünkü günlər hara. Gözəl qız, yaxşı vaxtda Başladın gül açmağa; Bu gün sənin yurdunda Nə qul vardır, nə ağa! Sən bu sərbəst göylərin Sərbəstcə ulduzusan. Qayğısız bir ölkənin Qayğı bilməz qızısan.
Sərbəstdir alnındakı Qıvırcıq tellərin də. Sərbəstdir sənin kimi Gün görmüş ellərin də. Elə isə bir də coş Səsin düşsün dağlara. Sən kimdən çəkinirsən? Qız hara, susmaq hara?
1928 - 1929
|