Ziynətli nərgizdən, tər bənövşədən,

Al, yaşıl geyinib şad olan dağlar.

Gülab kimi axır zülali sular,

Dəhanlar ləzzəti, dad olan dağlar.

Bir yanda yaylayar Keçili Dəllər,

Bir yanda düşübdür o ağır ellər,

Açılıb lalələr, qırmızı güllər,

Bülbülü gülündən yad olan dağlar.

Qızılcadır, Soyuq bulaq yaylağı,

Bərələri şahın şahbaz oylağı,

Çeşmə abi-həyat, gözəllər saqi,

Canlara məhəbbət, ad olan dağlar.

Yeridi üstünə o zülmükar xan,

Əlində fərmanı Fəğfüri xaqan,

Heyif, soldu gülün, Dilqəm ağlar qan,

Aqibət əməli bəd olan dağlar.