Nələr gəldi, gələsidir, mədəd hey.

Cəhan əhli öləsidir, mədəd hey.

Gəlir hökmi-ilahi İsrafilə,

Ulu suri olasıdır mədəd hey.

Günəhkarlar günahı sormağ içün

Ulu divan durasıdır mədəd hey.

Qurulur ədl içün mizan, tərazu,

Əməllər dartılasıdır mədəd hey.

Peyğəmbərlər qaçar ümmətlərindən

Ki, nəfsa nəfs olasıdır, mədəd hey.

Sürə-sürə ilitərlər Siratə,

Necələr süriləsidir, mədəd hey.

Bu bədbəxt adəm oğlundan təmamət

Yedi damu dolasıdır, mədad hey.

Xətayi dərdinə dərman bulunmaz,

Yarəb, halı nolasıdır, mədad hey.