NİTQƏ XİTAB
Ey natiğeyi-bədiəpərdaz! Vey söhbəti-dilfiribin ecaz!
Ey məhbiti-feyzi-asimani, Miftahi-xəzineyi-məani!
Sən məxzəni-hikmət idin axir, Sən mənşəi-himmət idin axir!
Bir tutiyi-xoşbəyan idin sən, Bir dürci-dürərfəşan idin sən;
Əflaki-süxən sitarəsiydin, Gülzari-vətən həzarəsiydin;
Düşdün niyə bəs bu halə əlhal? Bilməm nə səbəbdən olmusan lal?
Ey bülbülüm, ol təranəpərdaz, Qıl baği-bədəndə nəğmə ağaz!
Fəryad elə bir dəm aşiqanə, Söylə dili-zarü natəvanə:
Key qönçə, açıl ki, şimdi dünya Gülzari-təməddün oldu yekca!
Gəl dişrə bu pərdeyi-xəfadən, At pərdəni məzhəri-xudadən;
Sən aləmi-əkbəri-xudasən, Sən ayineyi-cəhannümasən;
Mahiyyətini həqir sanma, Azadələri əsir sanma;
Səndə yaradıb bədi`i-əflak Əqlü hünərü şüurü idrak;
Aləmdə nə var – var səndə, Sərmayeyi-etibar səndə;
Dur, dur ki, tükəndi leyli-zülmət, Əhrarə açıldı sübhi-dövlət!
Aşiqləri iştiyağa düşdü, Hər kəs ayılıb qabağa düşdü.
Onlar ki, səninlədir müasir – Hər elmi fünunə oldu mahir.
İlk dəfə “Yeni həqiqət” qəzetində (28 yanvar 1911, â„– 7) “Ə.S.” imzası ilə çap olunmuşdur.
|