Mәndәn tәzә şeir xәbәr alan dost,
Bәs yazın gәlmәsi şeir deyilmi?!
Gәzmәyә çıxanda çölün, çәmәnin
Üzünә gülmәsi şeir deyilmi?!
Yenә gözüm qalıb bağçada, bağda,
Min-min gül açıldı aranda, dağda.
Eyvana әyilәn çarpaz budaqda
Bülbülün nәğməsi şeir deyilmi?!
Seyr elә һüsnünü göydә durnanın,
Qayada kәkliyin, göldә sonanın.
Aynabәnd otaqda gәlin ananın,
Şirin laylay sәsi şeir deyilmi?!
Dәrәdә moruq dәr, döşdә çiyәlәk,
Gaһ yağış xoş gәlir, gaһ sәrin külәk.
Yaş ötür, doymayır dünyadan ürәk,
Yaşamaq һәvәsi şeir deyilmi?!
Kim deyir, şeirin meydanı dardır?
Sonu görünmәyәn bir ilk baһardır,
Necә ki, һәyat var, şeir dә vardır,
Hәyatın nәfәsi şeir deyilmi?!