Kimdir bizim minarədə
әzanları susduranlar?
“Doğru yola salma!” - deyib,
qanlı irin qusduranlar?
Kimlәr böylә qara pәrdә çәkdi
bizim bu minbәrә,
“Qari!” - deyә xitab etdi
Türküstanda igidlәrә?!
Tökmәlәyib Türküstanın
әyilmәyәn başlarını,
Kimlәr çaldı babaların
әski mәzar daşlarını?
Kimdir ğәztә kәrpiclә
muzeylәri dolduranlar.
Kәndimizi heyvan sanıb,
yurdumuza od vuranlar?
Hansı qanun әllәriylә,
hansı yasa, hansı yazı,
Söyüdlәrin yerlәrinә
dikdi Sibir akasiyası?
Heç bir tarix göstәrmәzkәn
Türkün xain olduğunu,
Kimdir çalan Türk әrzini,
Türk elinin var-yoxunu?
Sәnin kimi kölgәsindәn qorxanlar,
Sәnin kimi düşunәnlәr, duyanlar!
Unut, әski günü unut!..
Bax, göydәki qara bulud
Mәzlumların ahıdır!..
“Din” söylәdik, Quranların tәbdilinә
yiltәndiniz,
“Dil” söylәdik, fikrimizә
mәzar oldu Qara dәniz,
Zәngin idik; qurd oldunuz,
yurdumuza saldırdınız.
Gözәllәrin köksündәki altunları
çaldırdınız!
Adlarını dәyişdirib mәmlәkәtin,
ilin, ayın,
Siz şapqasız sadә turkü mәktәblәrә
buraxmayın,
Xor baxaraq
әcdadının adәtini sevәnlәrә,
Zәhәr verin can yerinә,
sizә can söyləyәnlәrә,
Elinizdәn rahib olub
әflakә çıxanlara
Söylәyin ki, başqa şeylәr düşünürsәn,
haydı, ora!
Sonra bizi Avropada
vәhşi deyә yazın, pozun;
Bunun doğru olduğuna inandınmı
sәnin özün?!
Sәnin kimi bir çox miras yedilәr,
Bizә daha nәlәr... nәlәr etdilәr!..
Unut, әski günü unut!
Bax, göydәki qara bulud
Mәzlumların ahıdır!.
Bu ellәrin torpağına, daşına
Çökәn, ölmüş igidlәrin yasıdır.
Duman deyil, bu dağların başına,
Qonan mәzlumların ahı, vayıdır.
Vәtәn xarab oldu, siz onda bayquş
Of, mәnim gözәlim kimlәrә uymuş!..
Sibiryada qazmaların, guşәsi.
Mәzlumların gәmikiylә doludur,
Sәnin kimi әskilәrin peşәsi.
Getdiyi yol azğınların yoludur,
Xoş hәr vaxt gecә getmәzdәn atar.
Bilmәzmi idin, sәni bir gün qan tutar?
Söylәyiniz, hansı yurdun balası,
Әlinizdәn ölüm camı içmәdi?
Göstәriniz, hansı mülkün havası,
Sizin üçün saflığından kiçmәdi?
Sәnin yavrun beşiyindә gülümsәr,
Әrәnlәr yurdunda ancaq yel әsәr!
Unut, әski günü unut!
Bax, göydәki qara bulut,
Mәzlumların ahıdır!..
Bir katolik kilsәsi qәdәr lal,
Türküstanın cәlladına nifrәtim.
Sәnin kimi azğınlara bir mәlal,
Gәlmәzmi heç?! Mәn o günә hәsrәtәm.
Türküstandan başqa bir çox yerlәr var!
Sizә lәnәt edir darğın obalar,
Unut, әski günü unut!
Bax, göydәki qara bulud,
Mәzlumların ahıdır!..
Dәrdә düşmüş insan oğlu yolunda,
Ey hürriyyәt, dәrman sәnin әlindә!
Asılmaya mәhkum olan qardaşı,
Qurtaracaq fәrman sәnin әlindә!
Yad ellәrdә ürәk ver hәqq quluna!
Günәşlәr saç zavallının yoluna!
Çakva, 20 mart, 1917