Demişlәrdi mәnә: “Sәn dә bir şey yaz,
Bu fәnn ordusunun nәfәrlәrinә.
Öz yaşından böyük iş görәnlәrin,
Bir afәrin söylә hünәrlәrinә”.
Mәncә hәr yazıdan daha parlaqdır,
Kiçik dәmirçinin alnındakı tәr.
Ey kiçik dәmirçi, duyduğun haqdır,
Çalış yurdun üçün özünü göstәr.
Zamanı gәlmişdir, sıran yetişmiş,
Çalış qulluq elә bәşәriyyәtә.
Göstәrdiyin hünәr, yaratdığın iş,
Haqdan qüvvәt alır, haqdan, әlbәttә.
1924
Şeir N.Nәrimanov adına texnikumun bir illiyi münasibәtilә yazılmışdır