Әsirim, umdum ki, Xızrın gәlәcәk,
Çıxdım ki, yollara edim sorağın.
Dedim: gәlsәn, könlüm, gözüm gülәcәk.
Baxdım, bu kök boynun, solğun yanağın,
Әsir cәnazәnlә qarşıma çıxdın!
Bir quşa zülm etdin, bir yuva yıxdın!
Şәhid qardaş, bu gün sizin obalar,
Ana rәğib sәni düşünüb ağlar.
Qardaşı yada salmaq böylәmi olar?!
Qapanmaz gözlәrin, bir sözünmü var?
Qәbrin gül açınca ağlaram sәnә!
Qara gün keçincә, ağlaram sәnә!
Dağlar gülümsәrkәn dumanlar aldı!
Bükülmәz qolların nәdәn boşaldı?
Gәldin, yoxsul ninәn kimlәrә qaldı?
Ölmә, qardaş, ölmә, düşmәn çoxaldı!
Ölsәn dә, söz yox ki, qanın coşacaq!
Düşmәn boğmaq üçün dağlar aşacaq!