Әrmağanım yaslı nәğmә,
Bir quş oldum, çıxdım yola.
Getdim gördüm dost elindә,
Nә bir sәs var, nә bir layla.
Bir yığıncaq gördüm, dedim.
Bәlkә toydur qızlar oynar?!
Baxdım ellәr batmış yasa,
Nә oynayan, nә gülәn var.
Sordum qәrib minarәdәn;
Axşam olmuş, әzan hanı?
Bayquş qonmuş minbәrlәrә,
Deyәn hanı, duyan hanı?
Belә getsә, o dağlarda,
İllәr keçәr, çiçәk bitmәz.
O dağları duman basmış,
Duman getmәz, yaman getmәz.
Coşğun irmaq kәnarında,
Nә qızlardan bir nişan var.
Nә oğlanlar ıslıq çalır,
Nә qaynayan, nә coşan var.
Bir dul gәlin könlü coşmuş,
Yol göstәrin hanı yarı?
Oğlan çıxmış dönmәz yola,
Nә nәşi var, nә mәzarı.
Vicdan mәnә әmr edir ki:
Belә gündә bayram etmә!
Quran mәnә yol göstәrir,
Yoxsulları mәyus etmә.
Gəncə, 22 mart, 1915