Görünmәz yollardan gәlәn sәslәri,
Tükәnmәz eşqimlә sәninki sandım!
Qәribsәdim sәnsiz o gündәn bәri,
Şikayәt olmasın, artıq usandım.
Sazlar, bayatılar mühitdәn anlar,
Bilirmisәn, bunlar sәninçün ağlar!
Çoban anar sәni, tütәyi sızlar!
Ellәr toy elәmәz yolunu gözlәr.
Bәzәnmiş gәlinlәr, nişanlı qızlar,
Yolunda sәpilmiş güllәrә bәnzәr!
Qarılar, qocalar yolların üstә,
Qış görmüş ellәrdәn gül-çiçәk istә.
Keçdiyin yerlәrdә bir daş olaydım!
Öpәydim yorulmaz ayaqlarından!
Sevgin әmr edәydi, bir quş olaydım!.
Vәtәnin hilalsız bucaqlarından,
Ulduzsuz göyündәn şikayәtim var!
O qәdәr ki, dәrdim!.. Bir quş nә yapar
1917