Çün sənin tək yar buldum, özgə mən yar istəmən.
Səndən ayru cümleyi-aləmdə mən var istəmən.
İstərəm ki, mən çəkim dərdü fəraqin zəhmətin,
Məndə özgə eşqinizdə kimsə bimar istəmən.
İstərəm kuyində avaz etməyə nakəs rəqib,
Öz ünümdən özgə anda naleyi-zar istəmən.
Dün demişsən istərəm bir busəyə yüz can baha,
Ol mətaə məndən özgə heç xiridar istəmən.
Ol səbəbdən bu Xətayinin sözü həqqanidir,
Həqdən özgə dünyada mən yarü ğəmxar istəmən.