Aşığam, elçi mǝni,
Gözǝldir elçi mǝni.
Öz sevdiyim bir qıza
Göndǝrin elçi mǝni.
Burdan dörd bacı keçdi,
Baxdı qıyqacı keçdi.
Ömrüm bǝhǝrsiz oldu,
Günlǝrim acı keçdi.
Torpaqda ac olmaya,
İnsandan bac almaya.
Elǝ dünya yarana,
İnsanlar qocalmaya.
Şana saçda olaydım,
Sürmǝ qaşda olaydım.
Sinnim geri dönǝydi,
On beş yaşda olaydım.
Mǝn aşiqǝm, ay xumar,
Gecǝ sǝrxoş, ay xumar.
Sevgilim cavab vermǝz,
A yatır xumar-xumar.
Aşıq, nǝ gözǝl yazdı,
Mirzǝlǝr gözǝl yazdı,
Qumru kimi danışan
Sinǝndǝ telli sazdı.
Aşıq Gǝrmǝ duzludu
Sözü şirin, duzludu.
Mǝclisi göylǝr kimi
Ülkǝrli, ulduzludu.
Mǝn aşiqǝm, dǝrindi,
Külü bağdan dǝr indi,
Bǝlǝdçim kor taleyim,
Düşdüm, quyu dǝrindi.
Xǝbǝr verin Gülxara,
Geyinmǝsin gül-xara.
Aşiqi nakam getdi,
Qismǝt oldu gül xara.
Aşıq, adın şirindi,
Fǝrhad dostu Şirindi.
Dostdan dosta gǝlǝn pay
Beçǝ baldan şirindi.