Sən yar ilə zövqdə, səfadə,

Mən burda bu cevr ilə cəfadə.

Vaxtında səi aşinalıq eqdin

Döndün belə bivəfalıq etdin.

Təqsir kimin oldu padşahım?

Bildir ki, mənə nədir gunahım?

Bəs neyləsin, indi bu dili-zar?

Gör kimlər ilə çəkərdim azar.

Sən nazin ilə ol indi xürrəm.

Əğyar ilə qəm çəkim dəmadəm.

Sən eyşdə əyləş indi xoşdil,

Mən hicridə, həm məlulu müşgül.

Öldür məni, olsun əllərin var,

Səbr eylə, gözüm, nə təqsirim var.

Qəhr ilə çəkərdim ah candan,

Ah çəkməyir ad bu Natəvandan.