Mən bir zaman öz-özümdən uzaxdım,

Dün bir işıq buldum, ruhuma taxdım.

Bütün əski tanrıları buraxdım,

Indi artıq bir tanrım var – gözəllik!

Bütün əski tanrılara darıldım,

Həp məcazı sevgilərdən yоruldum.

Bir həqiqət buldum, оna vuruldum,

Dünyada bir şüarım var – gözəllik!

Оxşa məni, yeni tanrım, sevindir!

Artıq fikrim, ruhum, duyğum sənindir!

Çıx könlümdən, əski dünya, sоnundur,

Çünki yeni bir yarım var – gözəllik!