BU SƏHƏR NƏM DÜŞMÜŞDÜ GÜNƏŞƏ
Bu səhər nəm düşmüşdü günəşə, Şehli şəfəqlər axırdı göy üzündən. Nəmliydi dünya suyu təzəcə kəsilmiş arx kimi, Kimsə nəğmə oxuyurdu nəmli dodaqlarıyla Səs də nəmliydi, nəğmə də. Ay işığı kimi ilıq bir hiss doldu qəlbimə, Nəmli barmaqlarım az qalırdı gül aça; Quşlar çırpırdı qanadlarındakı höyüşü, Yerdən göyə ümid damlası uçurdu, Nəmli çəmənlə bir uşaq qaçırdı çəhlimlər aça-aça. Yalın ayaqları öpürdü torpağı, Orəyi köksündə yamyaşıl üzüm yarpağı... Bu səhər şeh düşmüşdü günəşə, Buludlar dəsmal kimi qurutmaq istəyirdi günəşi. nəmliydi özləri də. Şeh gördüm çiçəklərin gözlərində, Dolu bir qədəhə dönmüşdü lalə, Sarala-sarala sönmüşdü nərgiz. Gözü yaşlıydı dünyanın, Çay daşları təzə kəsilmiş ürək kimi buğlanırdı. Hər şehdə bir günəş yanırdı, nəmliydi günəş!
|