GÜNƏŞƏ YÜYÜRƏN UŞAQ
Günəşə yüyürən uşağın tikan batacaq ayağı yalın, od yandıracaq əlləri yalın. Yüyürür arzu cığırıyla Böyüklər, muğayat olun!...
Günəşə yüyürən uşağın Qəlbindən gövlər keçir. Uşaq göylərdən keçmək istəyir. Sıxıb buludları dərələrə doyunca içmək istəyir. Götürüb ay orağını qara-qara buludları biçmək istəyir. Günəşə yüyürən bu uşaq Günəşə köçmək istəyir. Günəşə yüyürən uşağın Əlində kəpənək tozu, İzində qarışqa ölüsü, Gözündə Xudafərin körpüsü... Nerdivan qoyacaq yollara, Körpü qoyacaq çaylara, Göyçədən Araza, Arazdan Borçalıya!... Alın bu uşağı araya, Arzusu gücündən böyük Ürəyi içindən böyük, Addım atmaq istəyir, Addımı qıçından böyük... Günəşə yüyürən uşağın Üzü yoxuşa doğru; Bu bir parça uşağın Körpə qəlbində ağrı. Ya günəşə çatacaq, Ya partlayacaq bağrı... Hələ ki, günəşə yüyürür Tikan batacaq, ayağı yalın. Od yandıracaq, əlləri yalın, Böyüklər, bu uşaqdan muğayat olun!..
|