Mənim bir dilbərim var kim, yüzi xurşidi-ənvər tək
Mənim bir dilbərim var kim, yüzi xurşidi-ənvər tək, Dəhanı höqqeyi-mərcandurur, dəndani gövhər tək.
Saçı sünbül, gözü ceyran, yüzi gülgül, xəti reyhan, Rəhü rəftari şirinü ləbü göftari şəkkər tək.
Üzarı ayəti-rəhmət, yanağı laleyi-xodru, Buxağı cənnət alması, tən əndamı mərmər tək.
Xuraman qaməti üstə pərişan kakilin hər yan, Könüllər asılur hər taridən şahi-sənubər tək.
Bəhəmdillah ki, xublar məclisində ol sərəfrazım, Oturmuş dustlar kamidür ol səddi-Skəndər tək.
Ölüpdür Kişvəri cana, qəribü natəvan, gəlgil, Məzarı üstünə ağla yalançı növhəgərlər tək.
|
© 2011 Ədəbiyyat portalı - www.azerlit.info