Qızarmış badədən yüzi güli-gülzari-minu tək
Qızarmış badədən yüzi güli-gülzari-minu tək, Yatupdur qaşları mehrabi içrə çeşmi sayru tək.
Biyaban qırağında əgər həsrət bilə ölsəm, Qaçar ol gözləri heyran mən vəhşidən ahu tək.
Dodağın şərbəti-cənnət, dəhanundur şəkər təngi, Ləbin üzrə qara xalın şəkər satıcı hindu tək.
Məni mu tək zə’ifi-natəvan ol qıldı eşqində Ki, kilki-qüdrəti anın miyan verdi sana mu tək.
Çü ansız bir nəfəs mümkün dəgil kim, Kişvəri qalə, Günahın yazmagil yarəb, içərsə qanını su tək.
|
© 2011 Ədəbiyyat portalı - www.azerlit.info