Səni eyşü şərabü padişalıq
Səni eyşü şərabü padişalıq, Mənü xunabəyi-hicrü gədalıq.
Çü axir qılmaz oldun bəndəni şad, Nə fayidə səninlən aşinalıq.
Könül sübhi visalün yadi qılmaz Ki, qorqutmuş anı şami-cüdalıq.
Əcəl sənsiz diri qoydu məni, leyk Gətürdi başıma yüz rüsivalıq.
Sana hərfi-vəfa ögrətmək olmaz, Xuda verdi sana çün bivəfalıq.
Qılur qul Kişvəri aşiqlik, əmma Nə aşiqlik ki, yüz tüman bəlalıq.
|
© 2011 Ədəbiyyat portalı - www.azerlit.info