Ey könül, hər kimsəyə yar olmagil, yar özgədür
Ey könül, hər kimsəyə yar olmagil, yar özgədür, Yar olur hər kim, vəli yari-vəfadar özgədür.
Sürmə qapundan məni-bixanümani kim, sana, Bulunur aşiq, vəleykin aşiqi-zar özgədür.
Hüsnünə mən can verürmən, xəlq ana nəzzarə ki, Özgədür əhli tamaşavü xiridar özgədür.
Aşiqimdür zahid, əmma canə qıymır vəqti-kar, İyü xəyalı özgəvü sevdayi-bazar özgədür.
Bütpərəsti qınama, ey paki-damən şeyx kim, Zikrü təsbih özgəvü naqusü zünnar özgədür.
Badə içmək yar ilən xəlvətdə xoşdur, Kişvəri, Leyk əgər bolsa müyəssər kəşti-gülzar özgədür.
|
© 2011 Ədəbiyyat portalı - www.azerlit.info