Bizdən sarı ol mah könülni savudubdur
Bizdən sarı ol mah könülni savudubdur, Yarəb, nə bəla, əhli-vəfani unudubdur.
Kuyindən irağ düşdülər əhbabi-vəfadar, Ta həzrətinə şumi-rəqibi yadurubdur.
Gül pirəhənindən əsəri zahir olubdur. Hər xuni-cigər bülbüli-miskin ki, yudubdur.
Sər ta qədəmim basdı xəyali-səri-zülfi, Gör sarmaşuği necə bu nəxli qurudubdur.
Derlər ki, sana yardur, ey Kişvəri, şux ol, Eylə dəgül axı, nə əcayib yaradubdur.
|
© 2011 Ədəbiyyat portalı - www.azerlit.info