Düşmüşəm bir halə sənsiz natəvanü zar olub

Kim, əcəl yanımdan ayrılmaz mana qəmxar olub.

Həsrəta, dərda, diriğa kim, bu bəxti-tirədən,

Qalmışam mən yarsız, yar özgələrnən yar olub.

Bilməzəm kim, neylədim bu qan olası könlümə

Kim, qaçar hər yan məni-biçarədən bizar olub.

Qəddü yüzündən irağ baği-behişti neylərəm,

Sərvü gül hər biri ayru, gözlərimdə xar olub.

Surətin ta gördü, cana, xəstəxatir Kişvəri,

Baxa qalmış eşigində surəti-divar olub.