Birinci sinifi bitirəndə mən,

Dedim: - Bilmədiyim nə var dünyada?

Mənə elə gəldi artıq o gündən

Ötüb uşaqlığım qaldı arxada.

İlk şeirim qəzetdə çap oldu o gün,

Yoldaşlar əlimi sıxdıqca bir-bir

Qüruru Ò»əddini aşdı könlümün,

Düşündüm - kamalım dünya qədərdir.

Yarımçıq işləri salıram yada,

Tərifi, tənqidi unudub tamam.

Deyəsən sadəlövÒ» uşaqlığımla

Həyatda yenicə vidalaşıram.