SABİRƏ İTHAF
Sabir! Ey atəşin qələm şair, Şerdə möcüz eylədin zahir. O zamandan ki, şerə dil açdın, Millətə elmü mərifət saçdın, Şerin ayinə oldu millət üçün, Fikrin oldu nümunə ibrət üçün, İşçilər həpsi səndən aldı ziya, Gördü təkdir səndən əhli-riya, Qorxmadın həq yolunda ölməkdən, Söyülüb, danlanıb, döyülməkdən. Baxmayıb baş kəsənlərin sözünə, Hər kəsin eybini dedin üzünə. Səni yaxdıqca nari-istibra, Daima, sən də çəkdin ondan dad. Söylədin iştə əhli-İranə, Qoymadın mülkü böylə viranə. Sizdə, aya, nədir bu vəziyyət, Məhv olub, bitdi məzhəbü millət. Tapınız doğru yol, səmimiyyət, Bu nədir, bir yalançı hürriyyət. Veriniz həqqini fəqirlərin, Çatınız dadına həqirlərin. Çəkdin Əbdülhəmid əlindən aman, Türkü öldürməyib bu halə salan Türklər, yatmayın, zamana baxın, Siz də vəziyyəti-cahana baxın. Payınız dürlü-dürlü cəmiyyət, Ediniz siz də kəsbi-hürriyyət. Müxtəsər, türkə, əhli-İranə, İşçiyə, kəndçiyə, bəyə, xanə Dürlü simadə göstərib üzünü, Hamı əsnafə söylədin sözünü. Əhli-təzviri eylədin təkdir, Əhli-vicdanı eylədin təqdir. Saçdın hər bir yerə ziyayi-ədəb, Bizə oldun da canlı bir məktəb. Heyf kim, vermədi əcəl fürsət, Sən nəsən, bilsin, anlasın millət. Ölmədin, ey ədibi-paksiyər, Qəlbimizdir bu yatdığın məqbər!
|