Rəqabət qıldığıyçın bərki-gül yarın yanağilə
Rəqabət qıldığıyçın bərki-gül yarın yanağilə, Solub, torpaqlar üzrə düşdü, tapdandı ayağ ilə.
Təriqi-eşqi, ey qafil könül, biganədən öyrən, Necə xəlvətsərayi-vəslə yol bulmuş çirağ ilə.
Dağılmış zülfünü yarın əgər hörməkdir amalın, Məhəbbətlə gedib hər dəmdə həmbəzm ol darağ ilə.
Səri-kuyi-nigari, derdilər, mümkün deyil bulmaq, Çox illər gəzdim, axır, axtarıb tapdım soraq ilə,
Tələb vifqilə buldum mülki-laəfnayi-sevdayı, O sevda içrə, Bədri, yaşaram min təmtərağ ilə.
|
© 2011 Ədəbiyyat portalı - www.azerlit.info