Qıldım nəzarə zülfi-çəlipayi-yarə mən
Qıldım nəzarə zülfi-çəlipayi-yarə mən, Görcək, əsiri-dərdü qəm oldum dübarə mən.
Göz nuri getdi, qalmadı könlümdə ixtiyar, Ey kaş, qılmayaydım əzəldən nəzarə mən.
İstər qoya fələk məni həsrət cəmalına, Bilməm, nə etmişəm fələki-gəcmədarə mən?!
Bir çarə qılmadın bu dili-biqərarıma, Yarəb, qılım nə çarə, dili-biqərarə mən?
Zənciri-zülfə bağla bu divanə könlümü, Ta bəlkə kəlməyəm bu qədər ahü zarə mən.
Bədri, nolaydı, qismət olaydı, üzarımı — Sürtəydim arizu ilə kuyi-nigarə mən!
|
© 2011 Ədəbiyyat portalı - www.azerlit.info