Qəmlə mənus ol ki, qəm zövqü səfadən yaxşıdır,

Ey könül, biganə var ki, aşinadən yaxşıdır.

Yar cövrü möhnət artırmaz, məhəbbət artırar,

Eşqdə cövrü-cəfa, mehrü vəfadən yaxşıdır.

Ruzigarın sədməsiylə rəxnə tapmaz mülki eşq,

Çünki bu mülk əsl-özəldən, həm binadən yaxşıdır.

Sev vətən torpağını, hifz et ki, bir çimdik tozu –

Ağlayan hər bir göz üçün tutiyadən yaxşıdır.

Biəda olma, sədaqətpərvər ol, Bədri, yəqin -

Bir nəfər əhli-əda min biədadən yaxşıdır.