Göz mərdümi kim, əşki tökər bir gilə sənsiz
S ə y y a r Göz mərdümi kim, əşki tökər bir gilə sənsiz, Bir tifldir ağlar, mənə eylər gilə sənsiz.
V a h i d Bilməm yenə çeşmim nə xəta eyləmiş, ey büt, Aşub düşüb məmləkəti-Babilə sənsiz?!
B ə d r i Bir dəfə dönüb guşeyi-çeşm ilə də baxmam, Dünyaya gözəllər gələ min qafilə sənsiz.
V a h i d Zövrəq kimi əmvaci-qəm içrə elə qərqəm, Tufan da məni qaldıramaz sahilə sənsiz.
B ə d r i Yüz dəfə əgər şəmi rüxünlə dili-aşiq, Pərvanə kimi yansa da gəlməz dilə sənsiz.
V a h i d Şur ilə görüb naləmi, ey şux, məğənni - Öz tarını çəkdi zilə fəryadilə sənsiz.
Ta görməsəm ol müshəfi-rəxsarini bir də, Min canım ola, vermərəm Əzrailə sənsiz.
B ə d r i Ey lalə rüxüm, Bədriyə heyranam o gündən, Hala da yaşar sinədə min dağilə sənsiz.
|
© 2011 Ədəbiyyat portalı - www.azerlit.info