CIDIR
Bərk qovum atları, Yorun atları, Qamçıya dolayın Yorğun atları. Sürün dənizlərə Boğun atları - Ayğır cavanlara At gərək deyil.
Ay da ki, göylərdə Olsun nal izi, Şumlayın yamyaşıl Çəməni, düzü, Biçin! Heç sıxmayın ürəyinizi Cavan ayğırlara Ot gərək deyil.
Boyat bayatıdan Söz qaynadan siz, Özgə naxırına Söz hayladan siz, Həyat bir şahmatdır At oynadan siz, Elə mat qalmışıq Mat gərək deyil!..
|
© 2011 Ədəbiyyat portalı - www.azerlit.info