Ah neyləyim, o dilbər bilməm hayana getdi,

Ruhum da bu fəraqi edib, bəhanə getdi.

Həsrətdən Yəqub kimi göz yaşı tökdüm ancaq,

O ay üzlü Yusifim yəqin Kənanə getdi.

O dilbər şadmı getdi, yoxsa görən mənim tək

Bu ayrılıq oduna ya yanə-yanə getdi?

Mən göz yaşı axıtdım, bahar buludu oldum,

O qönçə tək güləndə od saldı canə getdi.

Bir gül dərməkdi arzum vəslindən o dilbərin,

Bu həsrət ilə əfsus ömrüm xəzanə getdi.

Nədən o məh cəmalım əğyarə həmdəm oldu,

Qəlbimdə zülflərindən qoyub nişanə getdi.

Sən ey gözəllər şahı, rəhmin gəlsin Heyrana,

Bir gün deyərlər o da qeyri cahanə getdi.