Etdi məşhuri-cahan ol büti-fərzanə məni
Etdi məşhuri-cahan ol büti-fərzanə məni, Qoymadı rahət olam bu dili-divanə məni.
Aldı dünü dilimi eşqi çəkib Kəbəyə gah, Etdi sevdası gəhi azimi-bütxanə məni.
Eşqinə mən düşəli üzmüşəm əl aləmdən, Qəmə də şadlığa da eylədi biganə məni.
Badeyi-eşqi onun gör necə məst etmiş ki, Daha çəkmir özünə saqiyü peymanə məni.
O ay üzlüm nə yaman aldı başımdan huşumu, Ruzigar içrə əcəb eylədi əfsanə məni.
Çünki xaliq onu Heyran, yaradıb şəm sifət Bu şəm ətrafına da etmiş o pərvanə məni.
|
© 2011 Ədəbiyyat portalı - www.azerlit.info