Nə edim, yardən oldum yenə naçar cida
Nə edim, yardən oldum yenə naçar cida, Oldu güldən aralı, bülbüli-xummar cida.
Ey fələk, nalələrim məhv eləyər xanəni bil, Ki, sən etdin məni ol yardən hər bar[i] cida.
Mən kimi hicrə düşən qəmzədəyə qan ağlar, Badi-səyyar cida, əbri-göhərbar, cida.
Qəmi-hicrimdə mənim nalə edər gülşəndə, Bülbüli-zar cida, xari-sitəmkar, cida.
Həsrətinlə axıdar göz yaşını şamü səhər, Yari-qəmxar cida, düşməni xunxar, cida.
Yaxşıdır yar rəqibdən aralı olsa, fəqət, Indi qoy yardən heç olmasın əğyar cida.
Ah, Heyran! Nə edim, bu qəmü möhnət çoxdur, Məni yardan elədi gərdişi-qəddar cida.
|
© 2011 Ədəbiyyat portalı - www.azerlit.info