Könül ki, hicrdən oldu fikar, ağlayıram
Könül ki, hicrdən oldu fikar[i], ağlayıram, Bütün vücudim olub biqərar, ağlayıram.
Nədən şikayət edim, bəxtdən və ya göydən? Məni əzir sitəmi-ruzigar, ağlayıram.
Nə qədər təndə canım var, işim fəğan olacaq, Vəfasız oldu mənə çünki o yar, ağlayıram.
Mənə məhəbbət edib, sonra qaçdı əhdindən, Gedib rəqibə olub qəmküsar, ağlayıram.
Neçə rəqibə deyim mən, cəfayi-yari-necə?! Məni boğur bu xəcalət, bu ar, ağlayıram.
Rəqib etdi məni xar kimsəsiz görərək, Ona görə oturub zar-zar ağlayıram.
Nə qədr ömr varımdır cahanda, ey Heyran! Sızıldayıb həmişə, cəngvar[ii], ağlayıram.
|
© 2011 Ədəbiyyat portalı - www.azerlit.info