Olum qədəmlərinə mən fəda, xudahafiz
Olum qədəmlərinə mən fəda, xudahafiz, Mən olmuşam qəminə mübtəla, xudahafiz.
Visali-ruyini, candan əziz olan yarım, Edib hicrilə əvəz bu qəza, xudahafiz.
Rəqibi-fitnəkar, aya nə tövr iylə edib, Ki, eylədi məni səndən cida, xudahafiz.
Öz arizusinə düşmən o vaxt çatdı ki, sən, Atıb məni, elədin bir xəta, xudahafiz.
Ürək dolu, gözü yaşlı gedim hüzurindən, Başımda min qəmi-sevda, bəla, xudahafiz.
Nolar, yazıq canımı mən edəm sənə qurban? O vaxt sən deyəsən: “əlvida, xudahafiz!”
Əminəm hicr oduna axırı yanar ol kəs Ki, gördü Heyrana hicri rəva, xudahafiz.
|
© 2011 Ədəbiyyat portalı - www.azerlit.info